Kvonn spælir fólkatónleik úr Norðurlondum. Meginparturin av spæliskránni er tó egin løg hjá limum í bólkinum.

Angelika Nielsen, violin
Sharon Weiss, blokkfloyta
Ívar Bærentsen, mandolin, gittar
Kristian Blak, klaver
Mikael Blak, bass

Kalas er ein tónleikabólkur mannaður av 4 ungum gentum. Teirra tónleikaferð byrjaði í 1. flokki í samband við verkætlanina “Litir í Leiki”, og hava tær spælt líka síðani. Í 2017 blivu tær hugtiknar av stuttligu og festligu fólkatónleikatónunum, og fóru á eina stevnu í Finnlandi, har bólkurin Kalas varð settur á stovn. Síðani hevur Kalas verið ein aktivur bólkur á føroyska tónleikapallinum. Tær hava verið á ymsum øðrum uttanlanda stevnum síðani, og spæla tí bæði føroyskan og útlendskan tónleik.

‍

Hvat er Swangah?

Swangah er fyrsta heglingsælið í november og fyrsta ódnin í desember.

Tað sinnisreinsandi sjokkið, fólk uppliva, tá tey leypa á sjógv, kallast Swangah. Swangah er munurin millum alment stuðlaðan yrkingaupplestur fyri kultursnobbum og sjálvboðið battle rap í Illtonkt. Swangah er at ganga upp á øll fjøll í Føroyum – um veturin. Swangah er mentan í arbeiðshandskum og trygdarskóm. Swangah er tað, sum skilir Havnina frá restini av Føroyum. Swangah er eitt spark í reyvina á øllum, sum ikki vita, at tey treingja til tað.

- Sjúrður Skaale

Konsertin verður 23. november kl. 21.00 og atgongumerki kosta 200 kr.

‍

Fríggjakvøldið 29. november kl. 21.00 framføra Klingra í OY.

Atgongumerki kosta 50 kr.

‍

"YULE" útgávukonsert við Teiti og Dreamer's Circus

Samstarvið ímillum Teit og trio’ina Dreamer's Circus byrjaði við eini upptøku av Brestiskvæðnum, sum kom út í 2022. Síðani vóru teir á konsertferð á jólum í fjør, sum legði lunnar undir eina útgávu, sum er innspæld í Hoydølum í ár.

Talan er um moderniseringar av gomlum tilfari, sum vit hoyra um jóltíðir, við útgangsstøði í fólkatónleiki og tí, at víkingar og fólk í norðurlondum feiraðu stytsta dagin og yule við jólatræ, mistilteini.

Dreamer's Circus er mettur av vera ein tann besti fólkatónleikabólkurin í Norðanlondum, teir hava vunnið nógvar virðislønir og spæla konsertir kring allan knøttin.

Týskvøldið 17. desember verður útgávukonsert í OY. Atgongumerki kosta 300 kr.

‍

Nú eru 7 long ár síðan at Necrolepsia hava trakkað upp á pall, og tíðin er endiliga komin aftur! Í summar gav black'n'roll bólkurin Necrolepsia tí allarfyrstu føroysku black'n'roll plátuna út, og vísti hervið heiminum teirra serliga kokkteyl av metal og rokktónleiki, við løgum sum "Oktober" og "Atterglans". Nú verður høvið at koma til ársins lívligastu líkskoðan! Bólkurin hevur valt at endurrísa gamla táttin við at hava eina rimmar metal konsert millum jól og nýggjar. Teir bjóða hervið øllum føroyskum málmsfjepparum og áhugaði at koma niðan í OY 27. desembur at pikka korn sum tann beri fanin!

Við sær hava teir tað allarbesta sum lokalur málmur hevur at bjóða uppá: Death metal bólkurin Goresquad og svartrokk trio'in Svartsalt fara at geva nakrar sjáldsamar og einastandandi framførslur. Harafturat verður nýggjasta skotið í føroyskari málmsøgu at hoyra við Eimyrja.

Fýra bólkar uppá eitt kvøld við tí besta og ørasta tónleikinum sum Føroyar klárar at diska upp við, tað verður eitt kvøld sum málmfjepparir og málmáhugaði seint fara at gloyma! OY, 27. desembur kl. 21, VER HAR.

Atgongumerki kosta 100 kr.

‍