Legandariski íslendski kultbólkurin HAM kemur at vitja vinmenninar 200 í november.

Hetta vinalagið hevur verið heilt síðani bólkarnir spældu saman á Norðurbryggjuni fyrst í 00’unum, og samband verið líka síðani.

Seinast spældu bólkarnir saman í Reykjavík í 2023, og á 200-plátuni Reytt Pass frá 2016 var Óttar Proppe frá HAM eisini gestasangari á lagnum “Kristin Dómur”

Bólkarnir hava eisini gjørt samrøðu í beinleiðis sjónvarpstíðindasending í RUV, har Niels á góðum íslendskum greiddi frá hvussu tidndingarmikið bjartskygni millum brøðratjóðirnar er.

Nú er tíðin komin til at HAM vitjar 200 í Føroyum.

Eftir at 200 góvu út plátuna ‘Reyvheart’, ta sjeyndu í røðini, eru fyrireikingar so smátt í gongd til áttandu plátuna ‘EL OCHO’.

HAM hava givið út 8 plátur. Ta fyrstu í 1989, og ta seinastu í 2020, ‘Chromo Sapiens’.

Klingra í Føroyum

Nú verður aftur høvi at uppliva føroyskt/norðurlendska tónleikabólkin Klingra í Føroyum.

Fríggjakvøldið 21. november í OY í Havn.

Konsertin er sett á skrá í samband við, at limirnir í Klingra eru savnaðir í Føroyum fyri at arbeiða við nýggjum tilfari. Sambært bólkinum sjálvum er nýggi tónleikurin meira popputtur og lívligur – og onkur av nýggju løgunum verða eisini at hoyra á konsertini í november.

Limirnir eru úr Føroyum, Danmark, Finnlandi, Lettlandi og Noregi. Øll eru eru yrkistónlistafólk og tónleikarar við nógvum royndum frá bólkum sum Jack White, Savage Rose, Afenginn og Teitur. Hesir tónleika-úrmælingar megna veruliga at skapa eitt egið rúm, har tey við nærlagni rannsaka hvønn krók, hagani tað seyðrar ein ljóðmynd, sum er ein samanrenning av atmosferiskum poppi og elektroniskum tónleiki.

Limirnir í Klingra gleða seg at spæla í Føroyum aftur og at sleppa at royna nýtt tilfar. Málið er framvegis – eisini við tí meira lívliga og popputa tilfarinum – at bjóða lurtaranum inn í ein listarligan heim, sum skapar rúm fyri tankum og kenslum, har Ting Taka Ta Tíð Tey Taka… tikk… takk… tikk… takk – fyri at tú kemur at lurta.

‍

‍

Marius DC í OY

Marius DC er júst afturkomin av Iceland Airwaves, har áskoðarar vórðu tiknir á bóli og ummælararnir skammróstu føroyska rapparan og hansara væl spælandi bólk. 22. november kunnu vit uppliva hann í OY.

‍

Á tveimum væl vitjaðum konsertum í íslendska høvuðsstaðnum, setti Marius DC veruliga eld í fjølinda, tað var lívligt, stuttligt, hugnaligt og enntá inniligt. Sum t.d tá fjøldin á spælistaðnum Iðnó endaði í einum stórum felagsklemmi, har bæði íslendingar og føroyingar sungu við niðurlagið: "Leggur tú enn í".

Ummælarin á Reykjavík Grapevine legði ikki fingrarnar ímillum: "Marius DC is the reason the term “Faroese rap” exists and God, he’s a fucking national treasure", hóast tað ivaleyst er at taka í so rívan til, so eru vit sera glað, at sleppa at uppliva hann í OY.

Har verður høvi at kava niður í løg av útgávuni "Listamaður" umframt væl kend løg sum "Erligur", "Slættaratindur", "Babyrokkarar" umframt ymiskt nýtt tilfar, og hvør veit, kanska onkur serligur gestur verður við.

‍

Á konsertuni 28. november luttaka Kári Sverrisson sum sangari og saksofonspælarin Tore Brunborg úr Noregi. Tore var við í Yggdrasil í 1990-ini og luttók bæði í innspælingum og Yggdrasil. Kári hevur somuleiðis verið við á konsertferðum víða um og luttekur m.a. á fløguni Risastova.

Kristian Blak er klaverleikari, stovnari og høvuðstónaskald í bólkinum. Hann hevur skrivað fleiri stórverk í svituformi til Yggdrasil, flestu av hesum eru útgivin á Tutl. Yggdrasil er eitt norðurlendskt ensemble, ið hevur heimstað í Føroyum. Hon varð stovnað í 1981 og hevur nærum altíð fevnt um tónleikarar úr øðrum londum.

Yggdrasil hevur, frá byrjan av, havt eitt serstakt hugtak. Flestu kompositiónir eru gjørdar í samstarvi við aðrar listagreinar ella í summum førum við náttúruna. Tónleikarar, sum hava verið partur av bólkinum, antin á langtíðarstøði ella sum luttakarar í ávísari verkætlan, hava ymiskar tónleikaligar bakgrundir, serliga í jazzi, men eisini í etniskum, fólkatónleiki, rock- og klassiskum tónleiki. Meðan verkini draga hugskot ella tema úr tjóðskaparligum tilfari, so er improvisatión alt frá fríum til klassiskum stíli altíð partur av spølinum.

Gjøgnum árini hava nógvir tónleikarar og listafólk verið uppií verkætlanum hjá Yggdrasil, sum fevna um myndlist, skaldskap, ballett, opera, konsertir í grottum; og alneyðugt fyri Yggdrasil-hugtakið er, at persónligheitin hjá hvørjum einstøkum limi í bólkinum verður hoyrd ella sædd. Hetta ger ljóðið hjá Yggdrasil sanniliga serstakt.

‍