TUNGHOYRT í OY - teir eru helst mest spennandi navnið í Føroyum í løtuni!
Teir blivu nr 2 í Sement, spældu á SPOT Festivalinum, á G, á ólavsøku og landi runt. Nú eru teir klárir til at levera eitt brak av eini konsert 12. Septembur í OY.

Tónleikurin hjá Tunghoyrt melodiskur og dynamiskur - og sjálvandi skrúðaður uppá 10’. Hvør limur í bólkinum, hevur hvør sina meining til leiðina við musikkinum. Hetta ger, at tónleikurin fær sína heilt egnu sál.  

Teir í Tunghoyrt eru:  
Bjarni Jakobsen - trummur
Erik Reynheim - bass
Helge Greve - guitar
Jóni Strøm vokal

‍

Høgni Lisberg við bólki í OY

Vit gleða okkum at uppliva Høgna Lisberg í OY tann 21. mars kl 21:00. 

Lagsmiðurin og fjølljóðførisleikarin úr Leirvík er sermerktur við at hann blandar gott lagsmíð við rútmu á ein hátt sum eingin annar. Og júst hettar eyðkennið er helst orsøk til at tónleikur hansara er stroymdur milliónir av ferðum, og at tónleikur hansara hevur ferðast heimin runt fleiri ferðir í sjónvarpi og telduspølum. 

Sangir um rættvísi, kærleika, myrkur og at trúgva á egnan mátt verða framførdir í felag við Knút Háberg Eysturstein á tangentum og Jan Rúna Poulsen á trummum.

Kom og hoyr Bow Down (to no man), Morning Dew og onnur fantastiska góð løg framførd LIVE í OY 21. mars kl 21:00

‍

SUPERVISJÓN FRAMFØRIR OG FAGNARNÝGGJU ÚTGÁVUNA: DEEP LIKE

‍

Kom og fagna nýggju útgávuna hjá SUPERVISJÓN DEEP LIKE á OY fríggjakvøldið 27. mars kl. 21.00!

DJ charlie (fyrrv. Sandavágur Soundsystem) hitar upp við poetiskari reggae og dub!

Framførslan hjá SUPERVISJÓN er eitt háorku havnartekno-sett við videobakgrund, blandað við teambuildingstuttleika. SUPERVISJÓN konfronterar tilveruna og heitir á teg at fremja sjálvsumsorgan gjøgnum óavmarkaðan dans.


Nýggja útgávan DEEP LIKE er átta juke/tekno-løg, skjóttgangandi basstrummur, breaks og samples eftir Lassa Jæger.

Elektroniskt bronglaða røddin hjá LívMariu Róadóttur Jæger leverar powersetningar, sum kunnu hjálpa tær at takla tey, sum brúka bully tactics og mikroaggressiónir.  

Á øllum løgunum eru samplingar frá útgávuni Brøytingar, sum bólkurin Yggdrasilgav út í 1989. Samplingarnar er ein heiður til sjálvt verkið. Men Brøytingarsipar eisini til Broytingar - og á hesu nýggju SUPERVISJÓN útgávuni verður tað eitt róp um at broyta ágangandi sosiala atferð til sunn menniskjalig bond.



Fløgan DEEP LIKE verður til keyps í OY!

SUPERVISJÓN arbeiðir tvørtur um video-, tekst- og ljóðinstallatiónir, poesizinur, plakat/pergament-yrkingar, framførslur og teknotónleik. SUPERVISJÓN er samstarv millumelektroniska tónasmiðin Lassa Jæger (f. 1984), og yrkjara Lív Mariu Róadóttur Jæger (f. 1981).


Elinborg hevur gjørt ótrúliga nógv um seg í 2025. Hon útgav sína heildarútgávu 'Í Ævir', ið bleiv sera væl móttikin, var á konsertferð runt í europa tað mesta av árinum, og eisini í Mexico City, har hon setti síni spor. Vit sleppa nú, at hoyra hana spæla konsert í OY 28. Mars, við fullum bólkið. Tit kunnu vanta eina kensluborna, men garvilla framførslu, har Elinborg fer at draga tykkum inn í hennara elektroniska, og dreymakenda univers

Síðan sína fyrstu útgávu í 2014, hava Espen Berg (klaver), Bárður Reinert Poulsen (bassur) og Simon Albertsen (trummur) etablerað seg sum ein tann mest kenniliga klavertrioin í evropeiskum jazzi. Teir hava ferðast runt í Evropa, Japan, Kina og India, spælt útseldar konsertir á Ronnie Scott’s í London, konserthølum í Tokyo, Guangzhou og Athen, og hava verið lýst av bretska Jazz Journal sum “ein av bestu triounum, sum eru til í dag”. Við fýra ummælaravirðisløntum fløgum aftanfyri seg, hevur trioin áhaldandi avbjóðað og endurnýggjað seg gjálva, gjøgnum eina serstaka samanseting av samansettum rútmum, djúpari harmoniskari fatan, sterkum melodium og einum intensum, leikandi samspæli. tann 5. mai kemur teirra fimta pláta - “Entropies” - út á plátufelagnum Svale.“

Entropies” snýr seg um spenningin millum skipan og ruðuleika — tað planlagda og tað instinktiva. Berg hevur skrivað eina rúgvu av kraftmiklum melodium, men bjóðar eisini av, við spontant komponeraðum løgum og polymetriskum strukturum, sum seta bæði trioina og lurtararnar á kantin av teirra sessi. Summi av løgunum hava fingið íkast frá framúrskarandi tónleikarum: Flaviu Huarachi (floytu), Joakim Munkner (cello) og Nils Olav Johansen (gittar, sangur), men trioin stendur eisini sum ein klettur av sær sjálvari, við nýskrivaðu kompositiónum hjá Berg, eins og í teirra samtíðarligu tulking av Sting klassikaranum “Russians”. Samanberingar til tónleik hjá Craig Taborn, Brad Mehldau, Keith Jarrett og Nik Bärtsch kunnu gerast, men Entropies ber fyrst og fremst eitt greitt og persónligt avtrykk: eitt organiskt samspæl, har neyvleiki og frælsi eru til lið um lið, og har tónleikurin støðugt tykist vera í rørslu.

Espen Berg varð lýstur sum ein "sannur klavermeistari" av All About Jazz longu eftir debutfløguna Noctilucent (2012). Nýggjasta soloútgávan hjá honum, The Kempen Concert (2025), varð rópt sum "ein av týdningarmestu klaverupptøkunum nakrantíð" av týskum útvarpslurtarum. Berg varð útnevndur Sparebank1 SMN Jazz Fellow hjá Moldejazz í 2016 og offisiel Steinway artist í 2023, og er virkin í einum røð av samstarvum við m.a.

Við Entropies staðfestir Espen Berg Trio sína støðu sum ein av sterkastu røddunum á norska jazzpallinum í dag – kompromisleys, lívsterk og støðugt mennandi.

‍

Marius Ziska hevur í mong ár verið ein av Føroya fremstu og best umtóktu tónleikabólkum. Bólkurin hevur vunnið FMA-virðislønir fyri besta sang, bestu heildarútgávu og bestu tekstir.

Marius Ziska hevur verið nógv at hoyrt á føroysku tónleikafestivalunum og í 2022 spældi bólkurin tríggjar útseldar konsertir í Norðurlandahúsinum saman við Føroya Symfoniorkestri. Bólkurin hevur eisini spælt nógv uttanlands
Og hevur nógv spennandi fyri framman.
Í løtuni arbeiður bólkurin við tilfari til nýggja heildar útávuð og okkurt nýtt  verur eisni at hoyra.

Tónleikararnir, ið fara at manna bólkin Marius Ziska á konsertini í OY eru:

Hans Marius Weihe Ziska
Heðin Ziska Davidsen
Magnus Johannesen
Kristoffur Mørkøre
Jan Rúni Poulsen

‍

Adam Seuba hitar upp! 

Adam Seuba is a Copenhagen-born artist, songwriter, and producer crafting a bold and original pop sound rooted in experimental folk-pop and raw, honest storytelling. Known for his emotionally charged performances and genre-defying production, Adam’s debut EP introduced a completely new sound in the pop scene. With a distinctive sonic universe and a live concept born from a lifetime in music, Adam Seuba is fast becoming one of the most exciting names in the new wave of pop.

‍

‍