Konsert við Eyða Horsdal og bólki

Í heyst verður Eyði Horsdal aftur at hoyra á pallinum við vælspælandi bólki afturat sær. Eyði og bólkurin fyrireika spennandi heildarútgávu við egnum tilfari. Talan er um nýggjar sangir á føroyskum í fólksligum sangbærum stíli. Eyði hevur eyðmerkt seg við einum løttum melodiskum tóna og jarðbundnum sansaligum tekstum. Sangirnir eru bæði lættir og hugnaligir, eins og teir rúma dýpd og álvarsemi. Lagt er upp til eina serstaka, nærverandi og ikki minst hugnaliga konsert.

● Eyði Horsdal - sang, guitar og klaver

● Kristian Pauli Ellefsen - klaver og harmoniku

● Arnold Ludvig - bass og guitar

● Gareth Quinn Redmond - violin og guittar (IRL)

● Albert Karch - trummur og orgul (POL)

‍

10. oktobur spæla RSP í Oy! Hvørjaferð teir hava verið í Oy, hevur tað kókað. Hesaferð er einki undantak. Teir hava Føroya besta ljósmann við sær eisini. RSP eru kendir fyri sínar villu liveframførslur, við fangandi og stuttligum tekstum. Og eftir hondini duga tey flestu størsta partin av teirra tekstum uttan at. Best er at møta, um tú einki vil angra.

‍

Broken Signal, sum er ein tungur og harður metalbólkur við hørðum og skjótum riffum, djúpum ljóði og massar av orku. Tónleikurin er inspireraður av metallegendum sum Metallica og Slipknot. Og sjálvir spæla teir bæði progressivemetal og thrash metal.

Hóast teir eru ungir, hava teir longu eina greiða kós. Teir allir eru 17 ára gamlir.