Ingmar + Loyniligur Gestaris

Ingmar Berg Mikkelsen (sang, klaver), Sakaris (sang), Ari Johannesen (gittar), Katrina Olsen (sang, saksofon, kór), Jósef Magni Heinesen (trummur), David Simonsen (bass)

Ingmar trínur sprækin og spølin á pall í Oy – og áðrenn langt er liðið og nakar grunar, loypur fullkomiliga dulnevndur Loyniligur Gestaris við upp á pall so sniðfundiga við enn einum stappaðum posa av gleði, gleimi og glymi.

Áhoyrararnir kunnu vænta sær søguliga framførslu, sum fær røttu fjaðrarnar at reisast í rættum gildi, har ið afturpartur ikki kennir stól.

‍

Nordic Ballads & Šatro Shaman Drum Orchestra

Katrina Petersen (sang), Andreas Ugorskij (gittar), Villu Veski (saksofon), Raun Juurikas (ljómborð) & Šatro Shaman Drum Orchestra undir leiðslu av Arno Kalbus

Kom og uppliva eina hugnaliga live konsert á OY, har songkvinnan Katrina Petersen,  sum er hálvur dani og hálvur føroyingur, tulkar balladur, við íblásturi úr norðurlendskum søgum og sagnum.

Skráin umfatar bæði tónsetingar hjá Katrinu og siðbundnar norðurlendskar sangir.

Afturat sær hevur Katrina danska gittarleikaran Anders Ugorskij og úr Estlandi Villu Veski á saxofon og Raun Juurikas á tangentar, umframt tað kraftmikla Šatro Shaman Drum orkestrið.

Hetta verður ein intens tónleikauppliving, sum sameinir røddir, rútmur og mystiskar frásagnir úr Norðurlondum.

‍

Mother Boy

Kika Sprangers (saksofon), Sasha Berliner (vibrafon), Bárður Reinert Poulsen (bass), Simon Olderskog Albertsen (trummur)

Mother Boy savnar fýra av fremstu jazztónleikarunum úr Niðurlondum, USA, Noregi og Føroyum.

Tey spæla modernaðan jazz, við einum norðurlendskum dámi, har vibrafon, altsaxofon, bass og trummur geva eitt glitranti og bjart ljóð, við eini rútmiskari grund.

Tað ævintýliga og fría samanspælið teirramillum — merkt av nærleika og inniligleika — ger hvørja løtu til eitt livandi prógv um teirra vilja til at skapa tónleik frá hjartanum, tó við einum hugi til at bróta karmar.

‍